Ngayon, Kahapon, at Bukas

Ngayon, ako’y nakatanggap ng isang regalo.

Kahapon ay ang pinakamasayang panaginip ko,

Bukas, ang pangarap ko’y palagi kang mayakap

At sa piling mo’y makamtam ang aking mga pangarap.

Ngayon, ako’y nakatanggap ng isang regalo.

Kahapon lamang noong iyong patibukin ang aking puso.

Bukas nama’y nais kong habangbuhay nang masulyapan

Ang iyong mga mukhang sa aki’y nagpahina, ni hindi ako makalaban!

Ngayon, ako’y nakatanggap ng isang regalo.

Kahapon ay tinunaw ako ng iyong mga matang pinakamakislap sa mundo.

Bukas, o bukas kung ikaw man ay darating,

Sa kanyang titig, ayaw ko nang mahimbing!

Ngayon, ako’y nakatanggap ng isang regalo.

Kahapon ay nagdaaan ang pasko

Bukas nama’y malapit na ang kaarawan ko

Salamat o Diyos! Sa napakagandang regalo!

Ngayon, ako’y nakatanggap ng isang regalo.

Kahapon nang tayo’y magkatagpo

Bukas nawa’y magkasama tayong magkaka-apo!

Pangako ko sa’yo, pag-ibig kong ito’y buong-buo!

Ako’y nakatanggap ng isang regalo!

Kaarawan mo’y biyaya sa buhay ko!

Isa nanamang taon ng saya, pagmamahal, at pagsuyo,

Isa nanamang pagkakataong makasama ka, o Mahal ko.