Masustansya nga ang gulay, pero masarap ba?

Masustansiya nga ang gulay, pero masarap ba?

Masarap ba?!
http://www.leanwellness.org

                Isa ito sa mga hindi ko malilimutang linya sa pagbabasa ko ng libro ng sikat na si Bob Ong sa halip na lessons ko sa mga subjects na may numbers. Oo nga naman. Sino ang taong ayaw sa masarap?

                May mga tao rin naming hindi lamang tinatangkilik ang sustansiya ng mga gulay, kundi pati ang sarap daw nito. Sa katunayan, nagawa na nga nilang isuko ang kani-kanilang mga buhay sa mga gulay! Oh, nag-rhyme.

                Kung kikilalanin natin ang nakararami, na kagaya ng pagkilala natin sa napiling bagong mag-bubulsa sa pera ng bayan, ay masasabing hindi talaga ganoon kaganda ang lasa ng gulay. Hindi natin masisisi ang mga tao sa pagpili nila ng daan patungo sa karne, mantika, at matatamis.

                Atin namang baligtarin ang tanong. Masarap nga ang ma-karne, mamantika, at matatamis, pero masustansiya ba? Meron naman tayong mapapala sa kanila. Ang pork barbecue for example, ay nagatataglay ng protina, iron, at fats. Oo, fats! Ang tanging konkretong dahilan kung bakit ayaw ng mga health conscious sa karne. Ang tanging diperensiya ng masarap na karne sa berdeng damo. Kung sa bagay. Meron pang ibang bagay-bagay na kulang ang karne. Hindi naman saw ala, pero MAS KAUNTI kung ikumkumpara sa mga gulay. Mas maraming fiber na makukuha sa pagkain ng gulay at prutas na makatutulong sa mabilis at maayos na bowel movement. May preservatives din ang ilang pagkaing karne na nakasasama sa kalusugan kung susobra. Kahit na sabihing may mga gulay na nahaluan ng pesticides, mas malaki pa rinh ang tendency na piliin ng tao ang hotdog at tocino kaysa sa pangit na gulay sa palengke.

                Hindi rin naman ako against sa pagkain ng masustansiyan damong pantao. ‘Yun at ‘yun lang din kasi ang kaya naming mahihirap. At kahit na kaming madalas merong dahon sa hapag ay alam na mas masarap pa rin kung ang karne! ‘Wag mong lokohin ang sarili mo. Aminin mont mas gusto mo ang lasa ng karne sa tofu! At mas magana kang kumain ng malunggay kung isasahog ito sa tinolang manok na may Knorr Chicken Cubes! Maraming kombinasyon ang gulay at karne. Hindi natin kailangan magpatali sa sitaw at kangkong lang habang-buhay! RAAAWWRRRR!!!

                Medyo kalokohan ang mga katagang ”kung kakain ka ng mga halaman, e di sana nagging kabayo ka nalang!” Nakakatawa, pero ibing lamang nitong iparating na hindi mo kailangang maging vegetarian para maging healthy. Nasa tao lang ang disiplina kung paano niya mababantayan ng tama ang kanyang kalusugan. Pilipino ka at masarap kang kumain. Tatalikuran mo pa ba ang iyong natural na pagkahilig sa pagkain dahil sa inaakala mong tunay na daan tungo sa mas mahabang buhay? Pwede ka namang mag-gulay na may karne, o karne na may gulay. Hindi yung pinapahirapan mo ang sarili mo sa gulay lang.